GRAVACIÓNS

Día 11

Cóntanos como che vai cos 21 DCG.
Lembra que hoxe na túa gravación deberás recoller o seguinte:
- As actividades dos días 9, 10 e 11.
- E a túa valoración persoal de como che foi nestes tres días.

Día 10

Segue as instrucións da páxina xeral e fíxate nas novas datas de entrega.
Lembra que HOXE NON HAI GRAVACIÓN e que será mañá día 11 cando debas realizar a gravación dos días 9, 10 e 11.
Saúdos e ánimo!

Día 6

Hoxe é día de gravacións.

Terás que facer dunha banda o Reto 6 e doutra a gravación Día 6.
En Reto 6 recollerás só ese contido.
Na gravación Día 6 recollerás as actividades xerais dos días 5 e 6 sobre as webs e as seguintes:

Hai uns días nesta páxina publicouse unha interesante reflexión sobre o modelo freemium. Convidámoste a que a leas clicando na imaxe e nos deas a túa opinión sobre esta cuestión.

*ATENCIÓN: Non vos gravedes lendo as actividades e buscando as respostas. A lectura e realización das actividades é fóra da gravación, gravade só cando teñades claro o que tedes que dicir.

Día 5

Realiza as tarefas comúns e grava as respostas ás cuestións na gravación de mañá Día 6.
Non te esquezas de visitarnos o sábado e o domingo.
Boa fin de semana CO GALEGO!

3º D - Días 1 a 21

3º D - Días 1 a 21

Clica no seguinte enlace  e Busca O Dia correspondente da actividade.

http://www.chiscos.net/xestor/chs/linguagalega1/21diascogalego3/21diascogalego3.html

Realiza o visionado deste vídeo facer para a actividade dos Dias 8 e 9.

Realiza o visionado deste vídeo facer para a actividade dos Dias 10 e 11.

Realiza o visionado deste vídeo facer para a actividade dos días 16 e 17.

Realiza o visionado deste vídeo para rematar os 21 días!!

Día 2

Como vas co teu segundo día? Cres que estás a tomar en serio os obxectivos dos 21DCG?

Que che parecen os retos? Hai algún reto que queiras propoñer para que o faga todo o instituto?

Como sabes, hoxe é día de gravación, para iso sigue o protocolo de gravación e entrega que se detalla deseguido.

Protocolo de gravacións e de entrega de arquivos:

1 - Se tes que gravar algún reto, ponlle nome ao arquivo seguindo o seguinte exemplo:

3A_ponte_patiño_pilar_21DCG_reto01

2 - Nas gravacións que realizarás cada dous días debes poñerlle o nome ao teu arquivo seguindo o seguinte exemplo:

3A_ponte_patiño_pilar_21DCG_dia02

3 - No escritorio do ordenador da aula crearedes un cartafol cun nome seguindo o seguinte exemplo:

3A_21DCG_entregas

4 - Copia os teus arquivos no cartafol do escritorio da aula, logo a profesora cada día da clase copiará os arquivos das entregas pendentes.

*Lembra que os 21DCG nos acompañan sempre ;-)

Día 1

Dámosche a benvida aos 21 Días co Galego 2015, que contará con novidades que irás descubrindo.

A primeira delas é que cada día terás un reto que deberás cumprir e documentar da maneira que consideres conveniente. Os retos están pensados por compañeiras e compañeiros teus, esperamos que che gusten.

RETO 1: Dinos cal é a palabra galega que máis che gusta e explícanos por que. (Podes facelo en audio ou vídeo).

Nesta edición tamén fixemos algúns axustes para adaptarnos mellor ás túas posibilidades de dedicación, por iso, nesta ocasión só terás que realizar a gravación persoal cada dous días.

Hoxe, para arrincar, propoñémosche que reflexiones contigo mesmo/a sobre as seguintes cuestións.

• Que che parece a (nova) proposta dos 21 días? 
• Que reaccións percibiches entre os/as compañeiros/as ou na casa? 
• Que usos fas ti habitualmente do galego? 
• Que pasos xa deches hoxe para seguir a proposta? 
• Pensas ampliar progresivamente os usos ou intentas xa falar galego sempre? Se xa seguiches o proxecto o curso pasado, tes en mente proceder da mesma forma? 
• En que ámbitos (escola, amizade, familia, lecer...) ou con que tipo de persoas cres/sabes que che custará máis?

3º D - Días 1 a 5

Clica aquí e busca o día correspondente da actividade.