Día 6

ADIANTE cos 21DCG nesta fin de semana de chuvia no Barbanza.
Vexamos en primeiro lugar cal vai ser o Reto 6:

 

A web do día: memoriapixelada.com

Memoria pixelada nace en 2009, clicando aquí accederedes á entrevista que por aquela altura lle fan en Código 0 ao seu autor, Juan Skaltum.
Dende esta páxina especializada en videoxogos os seus autores envíannos unha mensaxe moi especial para vós.

Animámoste a que deas unha volta por esta web e nos deas a túa opinión sobre ela.

Inclúe tamén na túa gravación a resposta ás seguintes preguntas específicas.
- Coñeces algunha web que cres que debería aparecer nos 21DCG?
- Como che foi o venres? E o sábado?
- Estás a utilizar as variantes dialectais propias da túa zona como a gheada ou o seseo?
- Consideras que a túa clase está máis ou menos implicada cos 21DCG en comparación coa maioría do instituto.
- Para ti que cando é máis doado falar en galego, os días de semana ou a fin de semana? Analiza por que existe esa diferenza, en case de a houber.